Vilt tú gerast partur av okkara nýggja reingerðartoymi?
Tænastudeildin á Landssjúkrahúsinum søkir eftir starvsfólkum til eitt nýtt reingerðartoymi, sum skal taka sær av reingerðini í nýggja H-bygninginum. Talan er um føst størv við starvsbyrjan skjótast til ber. Starvsbrøkur er áleið 0.8 ella eftir nærri avtalu.
Um størvini
Sum partur av reingerðartoyminum verður tú við til at skapa góðar umstøður fyri sjúklingar og starvsfólk. Arbeiðið fer fram í H-bygninginum og fevnir í høvuðsheitum um:
- Reingerð av sjúkrastovum
- Borðreiðing av máltíðum fyri sjúklingum
Arbeiðið inniber dagligt samskifti við sjúklingar og starvsfólk, og tí er umráðandi, at tú dugir at samskifta á føroyskum.
Vit vænta, at tú
- Hevur góðan røkjuskap og eyga fyri smálutum
- Ert fyrikomandi og tænastusinnað/ur
- Arbeiðir væl bæði sjálvstøðugt og saman við øðrum
- Trívist í einum arbeiðsdegi, har broytingar kunnu koma fyri
- Royndir innan reingerð eru ein fyrimunir, men ikki eitt krav
Vit bjóða
- Eitt týdningarmikið starv, har tú ert við til at gera mun
- Møguleika at vera við at mynda toymið
- Góða upplæring í starvinum
- Felags innleiðslu
Vilt tú vita meira um starvið, ber til at ringja á tlf. 304614 gerandisdagar millum kl 8-14, ella skriva til Heimir Ottósson á heimir.ottosson@ls.fo.
Lønar- og setanartreytir eru sambært sáttmálan millum Fíggjarmálaráðið og Havnar Arbeiðskvinnufelag. Setanarstaðið er Tænastudepilin/Tænastudeildin.
