Sjúkrahúsverkið fevnir um tey trý sjúkrahúsini Landssjúkrahúsið, Klaksvíkar sjúkrahús og Suðuroyar sjúkrahús. Okkara uppgáva er at veita øllum dygdargóðar heilsutænastur, ið fevna frá gitnaði til seinastu fráferð. Vit eru trý sjúkrahús, sum samskifta, virka og skapa eftir felags virðum. Í Sjúkrahúsverkinum vísa vit virðing fyri sjúklingunum, avvarðandi og starvsfólki, og miða altíð eftir at veita rættstundis sjúkugreinan og viðgerð við skipaðum sjúklingagongdum. Sjúkrahúsverkið er eitt fjølbroytt arbeiðspláss, har virðini stev, áræði og flog, eru okkara kumpass, sum vit brúka í okkara yrki í gerandisdegnum. Í Sjúkrahúsverkinum starvast út við 1.200 starvsfólk innan 30 ymiskar fakbólkar.

Bakkafrost er størsti framleiðari av dygdarlaksi úr Føroyum. Vit hava eina rúgvu av heilsugóðum og dygdargóðum laksaúrdráttum frá okkara egnu virkjum. Bakkafrost er ein av teimum alifyritøkum í heiminum, sum er mest loddrætt samskipað. Bakkafrost hevur eftirlit við øllum liðum í framleiðsluni – frá fóðri til lidna virðisøkta vøru. Hetta tryggjar eitt sporføri, sum eingin annar megnar, umframt dygdargóðsku.

Í JYSK fært tú alt inn- og útibúgv. Okkara stóra úrval ger tað lætt, og stuttligt hjá tær at fáa íblástur til designið, sum fer at hugna tær heimið. Í meiri enn 30 ár hava vit leiðbeint kundum okkara til góðar, og varandi loysnir fyri ein lagaligan prís.

Tjóðsavnið skal leggja lunnar undir samfelagsmenning, ið er grundað á vitan og søgu. Við gransking og miðlan veita vit kunnleika um tíð, samleika, siðir og náttúru. Við upplýsing og upplivingum skapa vit vitan fyri leik og lærd.

Vinnustovnurin er tænastu- og eftirlitsstovnur undir Vinnumálaráðnum. Vinnustovnurin er ein samanrenning av Fjarskiftiseftirlitinum, Kappingareftirlitinum, Tryggingareftirlitinum, Posteftirlitinum, Skráseting Føroya og Útlendingastovuni. Vinnustovnurin veitir tænastur til einstaklingar, stovnar, fyritøkur og virki.

Frá 1. september 2024 verður avgerðarmyndugleikin í flestum málum á útlendingaøkinum fluttur á føroyskar hendur. Kunngerðin kemur í gildi 1. september 2024. Hetta merkir, at allar umsóknir um varandi loyvi og fyribils uppihalds- og arbeiðsloyvi viðvíkjandi, familjusameining, arbeiði (eisini eftir ítróttaravtaluni, Fast Track-avtaluni og ES-lógini), sjálvstøðugt vinnurekandi, lesandi, starvsnæmingar, granskarar, trúboðarar, umframt samfylgjandi familja teirra og au pair, verða viðgjørdar av Útlendingastovuni. Eru spurningar til slík mál, kann Útlendingastovan veita vegleiðing. Vegleiðingar, umsóknarbløð, umframt upplýsingar um málsviðgerðartíðir og annað verður tøkt á heimasíðu okkara www.utlendingastovan.fo frá 1. september 2024. Avgerðarmyndugleikin hjá Útlendingastovuni fevnir tó ikki um mál um visum, friðskjól, útvísing og ríkisborgararætt. Eru spurningar til hesi mál, kunnu donsku útlendingamyndugleikarnir framvegis veita vegleiðing.

Skráseting Føroya umsitir lóggávu um parta- og smápartafeløg, ársroknskapir, grannskoðarar, hvítvask o.a. Skráseting Føroya er fyrisitingarliga skipað undir Vinnustovninum, ið er ein samanrenning millum Fjarskiftiseftirlitið, Posteftirlitið, Kappingareftirlitið, Tryggingareftirlitið, Útlendingastovuna og Skráseting Føroya. Eisini húsast Brúkaraumboðið í somu hølum.

Á fjarskiftiseftirlitinum eru vit 11 starvsfólk. Vit virka í einum óhátíðarligum, fjølbroyttum og fakliga stimbrandi umvhørvi á Vinnustovninum, sum samanlagt telur umleið 45 starvsfólk. Á Vinnustovninum starvast m.o. løgfrøðingar, búskaparfrøðingar, verkfrøðingar, teldufrøðingar, sosiologar, skrivstovufólk og -næmingar. Vit raðfesta trivna og menning av starvsfólkum sera høgt. Fremsta uppgávan hjá Fjarskiftiseftirlitinum er at virka fyri einum vælskipaðum og nýskapandi marknaði fyri fjarskiftiskervi og fjarskiftistænastur til frama fyri allar endabrúkarar. Fjarskiftiseftirlitið er ráðgevi hjá landsstýrismanninum og miðfyrisitingini annars um faklig viðurskifti á fjarskiftisøkinum.

Hjá Gist & Vist arbeiða vit við einum felags máli: at skapa minniligar upplivingar fyri gestir okkara. Vit reka fleiri hotell og matstovur við hvør sínum eyðkenda samleika og dygdum, men hava eisini felags virði, ið savna okkum – blíðskapur, yrkiskunnleiki og sterkt samstarv. Sum størsta samtakið í føroysku gistingar- og matstovuvinnuni leggja vit dent á at veita tænastu í serflokki. Hvørt hotell og hvør matstova í samtakinum hevur sín serliga samleika, mentan og dygdir, ið gera hvørja uppliving heilt serstaka fyri gestir okkara.

La Goulette hevur veitt føroyingum kvalitets mat síðani 2012. La goulette hevur 3 matstø

Damfar er heilsølan, sum ger lívið hjá tær eitt sindur søtari. Vit bjóða alt innan góðgæti, keks og annað, ið ger kaffi- ella temunnin betri.

Barnagarðurin er ein náttúrubarnagarður, normeraður til 80 barnagarðsbørn og 24 vøggustovubørn. Á stovninum eru fýra barnagarðstovur og tvær vøggustovur. Vøggustovunar halda til í kjallaranum í skúlanum í Søldarfirði, har hølini eru gjørd í stand til endamálið.

Tryggingarfelagið LÍV hevur sín serkunnleika í og veitir eftirlønar- og persónstryggingar. Vit umsita stóran part av uppsparingini hjá føroyska arbeiðsmarknaðinum og hjá føroysku fakfeløgunum. Sum størsti veitari á eftirlønarmarknaðinum er LÍV samstarvsfelagin, ið tryggjar lívskorini hjá meirilutanum av føroyingum á ellisárum. Tað er kundin, sum eigur LÍV og fær ágóðan av vinninginum hjá felagnum.

Vit eru ein byggifyritøka sum bleiv sett á stovn í 2010, vit arbeiða bæði fyri tað privata og vinnuna. Vit gera nýbyggingar, umvælingar og heildarveitingar. Vit leggja dent á góðsku, fakligheit, trygd og gott samstarv.

Berg Motors er ein av elstu bilasølunum í Føroyum, men vit eru alt annað enn gamaldags. Hjá okkum starvast umleið 30 fólk, bæði roynd og ung, og vit eru eitt samansett lið, sum arbeiðir tætt saman og hevur tað stuttligt, eisini tá ið ferðin er høg. Vit brenna fyri bilum, tænastu og einum góðum arbeiðsumhvørvi. Her er pláss at læra, taka ábyrgd og menna seg – og vit leggja stóran dent á, at fólk trívast og kenna seg væl í gerandisdegnum. Vit arbeiða dagliga við sølu av bilum, lastbilum og eykalutum, verkstaðsarbeiði, plátuarbeiði og bilaleigu, so arbeiðsdagarnir eru fjølbroyttir og ongantíð keðiligir. Berg Motors umboðar fleiri kend og sterk bilamerki, m.a. Suzuki, Subaru, Scania, JAC, Aiways, Peugeot, Citroën, Opel, Fiat og Fiat Professional.

Føroya Bjór er eitt dynamiskt og nýhugsandi arbeiðspláss, har siðbundið handverk og framkomin framleiðslutøkni ganga hond í hond. Við meira enn 135 árum á baki er bryggjaríið ikki bara ein av elstu vinnufyritøkunum í landinum, men eisini eitt stað, har starvsfólk fáa møguleika at mennast og vera partur av eini fyritøku í støðugari menning. Sum familjufyritøka hevur Føroya Bjór ein sterkan felagsskap, har samanhald, ábyrgd og álit eru í miðdeplinum. Her verður dentur lagdur á eitt trygt og fjølbroytt arbeiðsumhvørvi, har starvsfólk kenna seg hoyrd og virðismett. Fyritøkan hevur í nógv ár verið ein leiðandi aktørur á føroyska marknaðinum, og við støðugari nýskapan innan øl, sodavatn og sterkar løgir er arbeiðið bæði spennandi og fjølbroytt. Starvsfólk fáa møguleika at arbeiða við framleiðslu, góðsku, marknaðarføring og sølu í einum arbeiðsplássi, sum raðfestir bæði menning og trivnað. Við støðugum íløgum í burðardyggar loysnir og framkomna framleiðslu er Føroya Bjór ein fyritøka, sum ikki bert heldur fast í sínum arvi, men eisini hyggur fram móti framtíðini – saman við sínum starvsfólkum.

Dugni er ein endurbúgvingarstovnur, hvørs endamál millum annað er at skipa fyri arbeiðsvenjing, endurbúgving og umskúling til fólk, ið hava tørv á hjálp til at fáa tilknýti til arbeiðsmarknaðin.

PIzza, Shavarma og Burger Take Away

The Athlete’s Foot er mest kent sum ein alheims sneakerketa, við sneakers í nýggjastu litum og flottum sniði. Handlarnir hava eitt nágreiniligt úrval av lekkrum, trendy ítróttaklæðum og tilhoyri.

Tasty Hoyvík