Fuglafjarðar kommuna

Fuglafjarðar kommuna er ein virkisfús og fjølbroytt kommuna við umleið 1600 íbúgvum. Kommunan fevnir um Fuglafjørð, Kambsdal og Hellurnar.

Arbeiðsplássið

Farloyvisstarv sum skrivari til Fuglafjarðar skúla

Fuglafjarðar skúli leitar eftir einum dugnaligum og nærløgdum skrivara at byrja skjótast til ber.

Søkt verður eftir skrivara til parttíðarstarv, sum undir ábyrgd leiðslunnar og í samstarvi við lærarar kann avgreiða fyrisitingarligar uppgávur skúlans. Fakliga vísir skrivarin til skúlastjóran, men er tó í tøttum samstarvi við mentanardeildina hjá Fuglafjarðar kommunu, sum skrivarin er løntur av.

Høvuðsuppgávur og ábyrgdarøki

Starvið inniber, at skrivarin stjórnar og viðlíkaheldur journalskipan og skipar mannagongdir í sambandi við persónsdátalógina. Skrivligt og munnligt samskifti við leiðslu, lærarar, næmingar, foreldur, kommunu og stovnar, umframt vanligar skrivarauppgávur og telefonaavgreiðslu eru eisini partur av starvinum.

Krøv til útbúgving og førleikar

Vit leita eftir einum vælskipaðum, sjálvstøðugum, ídnum og álítandi skrivara. Tað er umráðandi at tú ert blíð/ur og fyrikomandi í samskiftinum við næmingar, og at tú samstundis hevur ein natúrligan mynduleika. Tað er avgerðandi, at tú tekur ábyrgd og trívist í einum fjølbroyttum gerandisdegi.

· Skrivstovuútbúgving ella útbúgving, sum kann javnmetast

· Royndir við journalarbeiði og kunnleika til skipanina 360

· Góðar KT-førleikar

· Dugir væl at orða seg í skrift og talu

· Tænastusinni

Tað er ein fyrimunur at hava kunnleika til mannagongdir og skipanir í skúlaverkinum.

Setanar- og lønarviðurskifti
Talan er um partíðarstarv á 30 tímar um vikuna, tó við møguleika fyri hálvtáiðarstarvi. Starvið verður lønt sambært sáttmála millum Starvsfelagið og KAF.

Fleiri upplýsingar um starvið

Nærri kunning um starvið fæst við at venda sær til Berlys Toftadal, skúlastjóra, á telefon 238061 ella umvegis teldupost berlys.Toftadal@skulin.fo

Fuglafjarðar skúli

Í Fuglafjarðar skúla ganga 289 næmingar í 1. – 10. flokki. Bygnaðarliga er skúlin skipaður við tveimum sporum í 1.-7. flokki og trimum sporum í 8. – 9. flokki, umframt breytum í 10. flokki. Í skúlanum eru 1 skúlastjóri, 1 varaskúlastjóri, 36 lærarar og 4 stuðlar, umframt skrivstovufólk, reingerðarfólk og húsavørðir. Fuglafjarðar kommuna og Eysturkommuna hava skipað samstarv um 8. – 9. flokk undir heitinum Framvit. Hartil er samstarv við Stranda kommunu og Sunda kommunu um Enám.

Skúlin hevur farnu árini gingið á odda við ymiskum átøkum og verkætlanum. Herundir Sangleikabreyt, har næmingar fáa roynt seg innan sang, leik, tónleik, íverksetan v.m. Skúlin er eisini sermerktur við góðum tilboðum á tónlistaøkinum við barna- og ungdóms kórum í tøttum samstarvi við Fuglafjarðar kvøldskúla.

Lýsing er stovnað24. January 2025

Umsóknarfreist10. February 2025

Málslig krøv