Nema

Vit hava altíð gingið á odda. Frá tí vit fingu fyrstu telduna til Føroya og fyrst at lansera nýggjastu fjarskiftistøknina, til nú, vit eru ein av fremstu veitarum í Føroyum av KT loysnum- og skipanum, teldum, fjarskifti og skrivstovulutum. Alt ið krevst, hjá fyritøkum, kommunum, almennum stovnum og privat fólkið at trívast, mennast og vaksa.

Arbeiðsplássið

Nema søkir eftir fíggjarfrøðingi

Vilt tú vera við til at menna og sjálvvirka okkara fíggjargongdir og samstundis gerast ein týðandi sparringsfelagi fyri alla fyritøkuna? So vilja vit fegin hoyra frá tær!

Hjá Nema leita vit eftir einum fíggjarfrøðingi (financial controller), ið dámar væl at arbeiða við sjálvvirkan av fíggjargongdum, er analytisk/ur og ikki bangin fyri at hjálpa til við vanligum bókhaldsuppgávum.

Starvið er fulla tíð við byrjan 1. februar 2027.

Høvuðsuppgávur og ábyrgdarøki

Um starvið

Sum fíggjarfrøðingur hjá Nema fært tú ein týðandi leiklut í at menna og betra okkara roknskaparmannagongdir og tryggja, at roknskapurin byggir á rættar og álítandi dátur.

Tú verður eisini ein týðandi samstarvspartnari hjá deildunum í Nema, har tú við KPI-frágreiðingum og dátugreiningum verður við til at skapa betri yvirlit og eitt gott grundarlag fyri avgerðum.

Harumframt fært tú ein virknan leiklut í at nútímansgera fíggjardeildina, har nýggj tøkni og betri arbeiðsgongdir verða ein týðandi partur av menningini.

Tínar fremstu uppgávur vera

- Eftirlit (controlling) og bókhaldsuppgávur
- Sjálvvirkjan og menning av fíggjargongdum
- Fíggjarfrágreiðingar
- At stuðla fíggjarætlanararbeiðinum
- At vera ein fakligur viðleikari fyri raksturin, við denti á innlit, samanhangir og lyklatøl

Krøv til útbúgving og førleikar

Vit vænta tí, at tú

Hevur eina hægri búskaparútbúgving, t.d. HD (1, 2), Cand.merc. ella hevur arbeitt við fíggjarstýring.
Hevur góð analytisk evni
Arbeiðir sjálvstøðugt og skipað
Hevur royndir við PowerPoint, Excel og AI
Dugir at byggja góð og álítandi sambond tvørtur um alla fyritøkuna

Ágóðar við starvinum

Afturfyri bjóða vit

Ein fakliga spennandi leiklut við stórari ávirkan á menningina av fíggjarfunktiónini
Møguleika at seta tín dám á talgilding og sjálvvirkjan í Nema
Eina deild við fakliga sterkum starvsfeløgum og breiðum samstarvi innanhýsis
Eitt gott arbeiðsumhvørvi við góðum starvsfólkum og einari rúgvu av ágóðum
Góða kantinu og starvsfólkatiltøk árið runt

Um Nema

Nema er ein føroysk KT- og samskiftisfyritøka, sum er við til at ganga á odda í tøkniligu menningini í Føroyum. Vit hava verið í støðugum vøkstri seinastu árini og eru í dag umleið 65 starvsfólk á okkara deildum í Tórshavn og Klaksvík. Hjá okkum verður dentur lagdur á eitt gott og óformligt arbeiðsumhvørvi, har samstarv og trivnaður eru í hásæti.

Løn og setanartreytir

Fasta arbeiðsplássið verður á deildini hjá Nema í Havn. Løn verður avtalað millum partarnar. Hevur tú spurningar, ert tú vælkomin at venda tær til Christian Svejdal, fíggjarleiðara, á teldupost [email protected] ella á telefon 502056.

Tá tú søkir, vinarliga send okkum eitt CV saman við eini umsókn, har tú lýsir viðkomandi royndir og førleikar.

Umsóknarfreistin er 1. novembur 2026.

Lýsing er stovnað13. oktober 2026

Umsóknarfreist1. november 2026

Málslig krøv