Frítíðarskúlin Smílibýlið

Smílibýlið er ein frítíðarskúli til børn úr 1. og 2. flokki í Eysturskúlanum. 59 børn ganga her í løtuni. Á stovninum starvast tríggir námsfrøðingar, trý hjálparfólk við drúgvum royndum og dagstovnaleiðarin. Fysisku karmarnir í frítíðarskúlanum geva børnunum góðar møguleikar at spæla bæði frítt og skipað. Vit hava tónleikarúm, rørslurúm, verkstað og fleiri smá rúm. Soleiðis ber til at hava smáar eindir, og børnini kunnu binda frið og hugsavna seg í spæli. Eisini kunnu tey spæla uttanfyri í garðinum ella fara yvir á ein fótbóltsvøll í grannalagnum.