Dagstovnurin Brosið, Hvalbiar kommuna

Um stovnin Brosið er ein kommunalur dagstovnur, ið lat upp í august 2017. Vit hava eina vøggustovu, tvær barnagarðstovur og frítíðarskúla. Stovnurin er í einum náttúruríkum umhvørvi, tætt við skúlan, fótbóltsvøll, kommunala spæliplássið og fjøruna. Vit hava sera góðar umstøður, bæði innan- og uttandura, sum geva børnunum góðar møguleikar fyri stimbran og menning.

Arbeiðsplássið

Námsfrøðingar og avloysarar

Søkt verður eftir

Námsfrøðingum til barnagarðstovu á 30 - 40 tímar um vikuna og til frítíðarskúla 25 tímar um vikuna. Størvini verða at byrjað í august eftir nærri avtalu.
Einum námsfrøðiligum stuðli til frítíðarskúlan á 20-25 tímar um vikuna frá 13.08.25 til 19.06.26
Tveimum námsfrøðingum til barnagarðstovu á 30 tímar. Eitt er barsilsfarloyvistarv 01.08.25 til 01.02.26 og hitt er farloyvistarv 01.08.25 til 01.11.25
Føstum avloysarum til feriu, sjúku o.l.

Námsfrøðingar, ið fáa prógv í summar, eru vælkomnir at søkja. Um námsfrøðingar ikki verða settir, verða hjálparfólk sett tíðaravmarkað.

Setanarviðurskifti
Starvið verður sett sambært sáttmála millum Føroya Pedagogfelag og Kommunala Arbeiðsgevarafelag Føroya.

Sambært barnaváttanarlógini §2, hevur arbeiðsgevarin skyldu til at fáa barnaváttan til vega, áðrenn umsøkjari verður settur í starv.

Krøv til útbúgving og førleikar

Vit vænta, at tú

hevur ein jaligan hugburð og sær møguleikar heldur enn forðingar
tekur ábyrgd, kanst taka avgerðir og arbeiða sjálvstøðugt
ert við til at menna námsfrøðiliga arbeiði á stovninum
hevur góð samstarvs- og samskiftisevni
kanst geva børnunum ein tryggan, mennandi og fjølbroyttan gerandisdag
ynskir áhaldandi at menna teg fakliga
kanst arbeiða við teimum námsfrøðiligu amboðum sum stovnurin brúkar

Ágóðar við starvinum

Vit kunnu bjóða:

eitt umráðandi og spennandi starv, har tú kanst verða við til at mynda og menna námsfrøðiliga arbeiðið á stovninum
eitt starv, har tú kanst hava ávirkan og nýta tínar dygdir
at tú verður partur av einum góðum og dugnaligum starvsfólkahópi
eitt starv, har tíð er sett av til fyrireiking og eftirmeting av námsfrøðiliga arbeiðinum

Meira fæst at vita um størvini, við at venda sær til Siri Næs Olsen, stovnsleiðara á tlf. 237580

Umsókn saman við prógvi, cv og møguligum viðmælum, skal verða Hvalbiar kommunu í hendi í seinasta lagi hósdagin 12. juni 2025 kl.12.00.

Lýsing er stovnað28. May 2025

Umsóknarfreist12. June 2025

Málslig krøv