Fíggjarleiðari til Fuglafjarðar kommunu

Fíggjarleiðarin hevur ábyrgdina av fíggjardeildini, og tað er at bókhald, fíggjar- og lønarviðurskifti verða røkt soleiðis, at tað til eina og hvørja tíð er ein greið lýsing av fíggjarstøðuni hjá kommununi. Harumframt hevur fíggjarleiðarin ábyrgdina at journalini og móttøkuni hjá Fuglafjarðar kommunu.

Fakligir førleikar

·         Viðkomandi hægri útbúgving innan roknskap, bókhald og fíggjarstýring

·         Viðkomandi leiðsluroyndir og leiðsluvitan

·         Dugir fíggjarliga handverkið innan kommunala og/ella almenna geiran

·         Góðan telduførleika og hollar royndir í at arbeiða við Navision og journalskipan

Leiðsluførleikar

·         Sterkur og loyalur leiðari við góðum evnum at leiða

·         Dugir at leiða saman við borgarstjóranum, kommunustjóra og deildarleiðarum

·         Strategiskt og fíggjarligt skilvísi

·         Dugir at ráðgeva fíggjarliga skynsamt í mun íløgur og rakstur

·         Hevur áhuga í, og sær týdningin av, at halda tíðarfreistir og evstumørk

Persónligir førleikar

·         Ert menniskjanslig/ur, sosial/ur og hevur góðan løtuans

·         Góð samstarvsevni og vísir øðrum álit og virðing

·         Góð evni at samskifta við starvsfólk, politikarar og aðrar lyklapersónar

·         Ert framsíggin, virksifús/ur og týðiliga áhugað/ur

Miðað verður eftir at starvið kann verða sett frá 1. apríl 2025, ella skjótast tilber. Starvið sum fíggjarleiðari verður lønt sambært sáttmála millum KAF og BLF, AKF ella Starvsfelagið.