Dagstovnurin Hans Andrias Djurhuus

Stovnurin liggur í Hans Andriasar gøtu við Landavegin millum Skúlan á Fløtum og Musikkskúlan. Tað er ómakaleyst at koma til stovnin allastaðni úr býnum. Vit hava stóran garð og spæliøki, sjey reiggjur, tvær skreiðibreytir, góðan vøll, fýra sandkassar og sjórænaraskip. Og so alt tað, sum børnini hava hugflog til. Dagstovnurin hevur tveir barnagarðar, tvær vøggustovur og eina serstovu til børn við veikum mótstøðuføri. Inni hava vit eitt stórt miðrúm, har vit hava møguleika at hava reiggjur, kúlubað og klintrivegg. Í løtuni starvast seks námsfrøðingar og tíggju hjálparfólk á stovninum. Stovnurin hevur pláss fyri 70 børnum.