Faroe Ship
Faroe Ship
Faroe Ship

Leiðari til frystigoymsluna

Faroe Ship leitar eftir álítandi og fyrikomandi leiðara til frystigoymslu og terminal okkara í Ánunum.

Frystigoymlan er útbygd fyri stuttum, og hon er í dag ein av stóru frystigoymslunum í landinum. Umframt leiðaran eru trý starvsfólk knýtt at húsinum. Talan er um fulltíðarstarv, har roknast kann við nakað av úrtíðararbeiði.

Umsóknarfreistin er sunnudagin 21. juli. Umsóknir saman við CV skulu sendast til jobs@faroeship.fo. Vilt tú vita meira um starvið, kanst tú ringja til Fróða Løkságarð, rakstrarleiðara, á tel 549080 ella senda ein fyrispurning á frl@faroeship.fo.

Høvuðsuppgávur og ábyrgdarøki

Arbeiðið á terminalinum umfatar avgreiðslu av skipum, landing av skipum, mótttøku og útflýggjan av vørum og annað arbeiði tengt at flutningi. Hetta merkir, at tú fert at samskifta við skipini, leggja arbeiðið til rættis, tryggja burðardyggar loysnir, og skipa raksturin á mest lønsaman hátt. Eisini verður tú andlitið hjá Faroe Ship í norðurøkinum og fert at hava tætt tilknýti til vinnulívið í økinum.

Krøv til útbúgving og førleikar

Vit vænta, at tú ert ágrýtin, hevur eitt lætt lyndi og hugsar skjótt, men samstundis hevur nærlagni og bindindi til at gera tingini ordiliga, tí góðska og tænasta hava stóran týdning í starvinum. Tú megnar ein gerandisdag har nógv hendir í senn, og tú dugir at finna bestu loysnirnar fyri kundan. Avrik, samtarv og álit eru virði, sum vit seta høgt, umframt forvitni at seta seg inn í nýggj viðurskifti. Neyðugt er eisini við ávísum fleksibiliteti, tí stundum gera ávirkanir seg galdandi, sum tú ikki hevur ræði á. Fyrimunur er, um umsøkjarin hevur

  • Royndir frá frystihús- ella goymsluarbeiði
  • Kunnleika til farmaflutning
  • Trukkloyvi
  • Koyrikort til persónbil
  • Góðan teldukunnleika
  • Góðan málsligan førleika í føroyskum, enskum og norðurlendskum máli
Ágóðar við starvinum

Starvsbyrjan er 1. august ella skjótast til ber. Løn sambært avtalu.

Lýsing er stovnað4. July 2024
Umsóknarfreist21. July 2024
Málslig krøv
FøroysktFøroysktSera góður
EnsktEnsktMiðal førleiki
Stað
Ánirnar
Starvsslag
Starvsgreinar
Starvsmerki