Dagstovnurin Brúsi

Brúsi er dagstovnur í Leirvík, sum varð tikin í nýtslu tann 10. august 2009. Pláss er fyri 100 børnum, og á dagstovninum starvast 24 starvsfólk. Í september 2018 bleiv Brúsi útbygdur við einum nýbygningi. Nú eru 6 stovur í Brúsa – 3 vøggustovur og 3 barnagarðsstovur. Stovurnar eru ljósar og stórar og hava allar eitt bólkarúm og eitt goymslurúm. Miðstovan er stór og verður nýtt til nógv felags virksemi so sum felags sangløtur og verkstað. Eisini brúka stovurnar hana einkultvís. Spæliøkið er stórt og gott og liggur vakurt í náttúruni. Brúsá rennur oman ígjøgnum spæliplássið. Stutt er at ganga til viðarlundina Limmilund og niðan til fótbóltsvøllin. Stovnurin er opin frá kl 07.15 til kl 17.00. Børn, sum eru innskrivað hálva tíð (fyrrapart), skulu verða avheintað í seinasta lagi kl 12.30.

Arbeiðsplássið

Køksfólk til dagstovnin Brúsa í Leirvík

Søkt verður eftir dugnaligum og arbeiðssomum køksfólki at byrja 01. oktober 2026 ella skjótast tilber.

Talan er um starv á 20 tímar um vikuna á Brúsa í Leirvík

Arbeiðsuppgávur:

- Í samráð við avvarðandi leiðarar at gera miðmála, innkeyp av húsarhaldsvørum, seta vøruna upp á pláss, gera innkeypslistar og matarætlan o.a í tí sambandi. Eisini er uppgávan hjá køksfólkinum at vaska klæðir o.a.

Persónligir eginleikar

- Álítandi og ábyrgdarfull/ur

- Samstarvssinnað/ur og jalig/ur

- Røkin og arbeiðssom/samur

- Fleksibul og tolir broytingar

Løn og setunarviðurskifti:

Lønar- og setanarviðurskifti eru sambært sáttmála millum Kommunala Arbeiðsgevarafelagið og Kost- og føðslufelagið.

Sambært §2 í barnaváttanarlógini hava vit skyldu til at fáa barnaváttan til vega, áðrenn umsøkjari verður settur í starv.

Umsóknir

Umsóknir við avriti av prógvi og møguligum viðmælum, skulu sendast til:

eystur@eystur.fo

Umsóknarfreistin er fríggjadagin 18. september 2026.