Framleiðslufólk til mjøl og lýsiframleiðslu
Sum partur av toyminum verður tín fremsta uppgáva at ganga á vakt, tá framleitt verður. Arbeitt verður í skiftisvaktum á 12 tímars vaktum, tá framleitt verður.
Talan er um tímalønt starv, og starvsstaðurin er á Hagaleiti í Leirvík.
Arbeiði innber
· tá framleiðsla er: hava eftirlit við framleiðsluni inni í kontrollrúminum
avsekkja mjøl
landing og avskipan
· tá ongin framleiðsla er: fyrifallandi arbeiði, td. smyrjing og reingerðing
Fyrimunur er at tú hevur teldukunnleika á brúkarastøði. Neyðugt er, at tú kanst arbeiða skeivar tíðir, tá framleiðslan koyrir alt døgni. Hevur tú eina elektrikkara- ella smiðjuútbúgving er tað ein fyrimunur, men ikki krav.
Sum persónur ert tú væl skipaður og virkisfúsur, at tú hevur jaligan hugburð, at tú hevur góð samstarvsevnir og eisini megnar at arbeiða sjálvstøðugt og í toymi.
Vit kunnu bjóða eitt starv í eini fyritøku í framhaldandi menning, har uppgávurnar eru spennadi og avbjóðandi. Arbeiði er árstíðarbundi, og tí er nógv arbeiði í ávís tíðarskeið, meðan tað eisini eru tíðarskeið við minni arbeiði.
Um tú ynskjr at vita meir um starvið, ert tú vælkomin at seta teg í samband við Sonni Højgaard, framleiðsluleiðara, á tlt. 762222 ella t-post [email protected].
