Forritari til Elektron
Virksemið í menningardeildini á Elektron er alsamt vaksandi. Tí leita vit eftir nýggjum starvsfeløgum.
Menningardeildin á Elektron verður í dag myndað av fólki, ið fakliga spenna víða, og sum virka í einum fjølbroyttum arbeiðsumhvørvi millum skiftandi uppgávur.
Vit kunnu bjóða tær:
- Fjølbroyttar og skiftandi menningaruppgávur
- Arbeiði við backend- og / ella frontend-menning
- Persónliga menning (skeið)
Vit vænta av tær:
- at tú hevur viðkomandi útbúgving – ella
- at tú hevur fleiri ára royndir innan KT
Eisini vænta vit, at tú hevur royndir innan nøkur av hesum økjum:
- .Net
- C#
- Angular
- Java
- Databasur (MS SQL ella Oracle)
UMSÓKN
Hevur tú spurningar um starvið, ert tú vælkomin at seta teg í samband við:
Hans Petur Weihe, deildarleiðari í menningardeildini
Tel. 295107
Tpost: hansp@elektron.fo
UM ELEKTRON
Á Elektron raðfesta vit trivnaðin høgt. Her skalt tú sum starvsfólk trívast, fáa hóskandi avbjóðingar og hava møguleikan at menna teg fakliga og persónliga. Vit ynskja eisini, at okkara starvsfólk eru eyðkend fyri sín eldhuga, ábyrgdarsemi og tænastuhuga. Tú kanst vænta tær eitt dámligt og óformelt samskifti við tínar starvsfelagar, har øll eru til reiðar at stuðla tær í tínum arbeiði. Lønin verður avtalað í mun til royndir og útbúgving.
Elektron er millum landsins størstu veitarar av KT-tænastum til fíggjarfyritøkur, almennar stovnar og privatar fyritøkur. Umframt at menna skipanarloysnir, bjóða vit tænastur sum t.d. hýsing, net, KT-ráðgeving, menning, Mínrokning og Print og Pakking.
Í Elektron starvast 66 fólk, og árliga sølan er umleið 100 mió.kr.