SPENN Ráðgevandi verkfrøðingar

SPENN Ráðgevandi verkfrøðingar bleiv stovnað í 2013, og verður felagið í dag rikið av Klæminti Eliasen og Áranti Jacobsen, sum eiga hvør sín triðing av felagnum. Seinasta triðingin eigur p/f SMJ, sum í 2023 keypti seg inn í felagið. SPENN hevur í løtuni 11 starvsfólk. Felagið veitir ráðgeving og stuðul til prosjektering av øllum sløgum av berandi konstruktiónum og anleggsarbeiðum. Ein natúrligur partur av uppgávunum er eisini fakeftirlit við egnum og annara prosjektum. Umframt prosjektering veitir SPENN eisini prosjekteringsleiðslu, byggileiðslu og prosjektleiðslu. SPENN bjóðar seg fram til at loysa uppgávur fyri privatar og almennar byggiharrar, bæði í Føroyum og uttanlands. Klæmint og Árant hava báðir drúgvar royndir sum ráðgevandi verkfrøðingar innan øll handa sløg av berandi konstruktiónum og anleggum bæði í Føroyum og uttanlands. SPENN hevur skrivstovu í Saltangará og í Keypmannahavn.

Arbeiðsplássið

Byggifrøðingur / tekniskur teknari til SPENN

GERST PARTUR AV EINUM STERKUM OG NÆRLAGDUM RÁÐGEVARATOYMI HJÁ SPENN

Hevur tú hug at arbeiða við projektering, tekniskari tekning og anleggsuppgávum? So hevur tú møguleikan at gerast partur av toyminum hjá SPENN.

Hjá SPENN arbeiða vit við ráðgeving, projektering og uppfylging innan serliga berandi konstruktiónir og anleggsarbeiði. Nú leita vit eftir einum byggifrøðingi ella tekniskum teknara, sum hevur hug at vera við til at tekna og projektera – tað eru serliga forritini Autodesk Civil 3D og Revit sum verða brúkt.

Tað týdningarmesta er ikki, at tú dugir alt frammanundan. Tað týdningarmesta er, at tú hevur áhuga fyri tekniskum uppgávum, dugir at arbeiða skipað og hevur hug at menna teg saman við okkum.

Høvuðsuppgávur og ábyrgdarøki

HVAT FERT TÚ AT ARBEIÐA VIÐ?

Tekning og projektering av anleggsuppgávum
Modellering og teknisk arbeiði í Civil 3D og Revit
Uppfylging og góðskutryggjan av projektum
Samskifti við starvsfelagar, arbeiðstakarar og myndugleikar
Tvørfakligt samstarv við verkfrøðingar, byggifrøðingar og onnur fakfólk

Krøv til útbúgving og førleikar

VIT ÍMYNDA OKKUM, AT TÚ

Ert byggifrøðingur, tekniskur teknari ella hevur aðra viðkomandi útbúgving
Hevur áhuga fyri anleggsprojektering og tekniskari tekning
Hevur royndir við Civil 3D og Revit – ella hevur hug at læra tað
Arbeiðir skipað og hevur eyga fyri smálutum
Dugir væl at samstarva og samskifta

Royndir eru ein fyrimunur, men ikki ein treyt. Tað kann eisini vera, at tú ert nýútbúgvin ella hevur arbeitt við líknandi uppgávum og hevur hug at taka næsta stigið.

Ágóðar við starvinum

HVAT BJÓÐA VIT?

Hjá SPENN gerst tú partur av einum sterkum og nærløgdum toymi, har tú fært møguleika at arbeiða við spennandi uppgávum í Føroyum saman við dugnaligum starvsfeløgum. Vit leggja dent á gott samstarv, fakliga menning og loysnir, sum eru væl gjøgnumhugsaðar.

SETANARTREYTIR

Løn og setanartreytir verða samsvarandi útbúgving og royndum.

SOLEIÐIS SØKIR TÚ

Um hetta hevur vakt tín áhuga, kanst tú seta teg í samband við Klæmint Eliasen á tel. 504744 ella teldupost klel@spenn.fo at hoyra nærri um tínar starvsmøguleikar hjá SPENN.

Um tú longu ert klár/klárur at søkja, kanst tú senda umsókn, CV og prógv til Klæmint. Í umsóknini verður tú vinarliga biðin um at greiða frá tínum persónligu eginleikum og motivatión fyri starvinum.

Umsóknir verða viðgjørdar í trúnaði og so hvørt tær koma inn.

Lýsing er stovnað22. juni 2026

UmsóknarfreistEingin freist

Málslig krøv