Starvsfólk til Sterilsentralin á Skurðgongini
Skurðgongin á Landssjúkrahúsinum søkir eftir hjálparfólki til sterilsentralin at byrja 1. oktober 2026, ella eftir nærri avtalu. Talan er um fast starv á starvsbrøk 0.8. Arbeiðstíðin er yrkadagar frá kl. 08-16, tó ein dag um vikuna frá kl. 10-18.
Um starvið
Á Skurðgongini starvast 23 starvsfólk: 14 skurðsjúkrarøktarfrøðingar, 4 sterilatstøðingar í sterilsentralinum og 5 sjúkrarøktarfrøðingar í endoskopiini.
Sterilsentralurin hevur ein týðandi leiklut í at fyribyrgja infektiónum og tryggja trygga viðgerð av sjúklingum. Sum hjálparfólk í sterilsentralinum verður tú partur av einum toymi, ið hevur ábyrgd av at endurviðgera, reingera, desinfiera og sterilisera instrumentir til allar skurðviðgerðir á Landssjúkrahúsinum.
Arbeiðið á sterilsentralinum fevnir eisini um at tryggja sporføri av instrumentunum í fall, at infektión uppstendur hjá sjúklinginum. Hetta verður gjørt eftir serstøkum leiðreglum og standardum, og vit nýta KT-skipanina T-DOC til at skjalprógva alla tilgongdina og sporføra instrumentini.
Dentur verður lagdur, at tú:
- Hevur góð tvørfaklig samstarvsevni
- Hevur eitt opið og jaligt sinn
- Hevur góðan røkjuskap og arbeiðir skipað
- Dugir at arbeiða sjálvstøðugt
- Virkar fyri góðum trivnaði á deildini
- Hevur góðan telduførleika
- Ert fysiskt væl fyri
Tað er ein fyrimunur, um tú:
- Hevur heilsufakliga útbúgving
- Hevur fakliga vitan og royndir innan smittuverju og endurviðgerð av instrumentum
Vit bjóða:
- Eitt spennandi arbeiðsumhvørvið við fjølbroyttum arbeiðsuppgávum
- Grundiga upplæring og skeið innan serøkið og KT-skipanina, sum verður nýtt
- Fakliga dugnaligar og virknar starvsfelagar
- Felags innleiðslu á Landssjúkrahúsinum, umframt einstaklinga innleiðslu á deildini
Lønar- og setanartreytir eru sambært sáttmála millum avvarðandi fakfelag og Fíggjarmálaráði.
Nærri upplýsingar um starvið fáast við at seta teg í samband við deildarleiðara, Ruth á Fløtum, teldupost: rutaf@ls.fo, ella depilsleiðar Guðrun Setberg Lindenskov, teldupost: gudli@ls.fo.
Upprunaprógv fyri útbúgving og viðmælir skula havast við til møguliga samrøðu.
Her kanst tú lesa um okkara visjón, missión og strategimál.