Læknaskrivarar til Medisinska depil á Landssjúkrahúsinum

Medisinski depilin á Landssjúkrahúsinum søkir eftir tveimum læknaskrivarum at byrja 01.11.2026, ella eftir nærri avtalu. Talan er um fulltíðarstørv.

Visiónin hjá Landssjúkrahúsinum er at veita sjúklingum eina góða heilsutænastu á høgum fakligum støði. Framtíðarmyndin er, at sjúklingurin er í miðdeplinum, og at Landssjúkrahúsið skal menna og útbúgva starvsfólkini til hesa uppgávuna, so at samfelagið fær ágóðan av okkara virksemi.

Arbeiðsuppgávurnar sum læknaskrivari eru fjølbroyttar og fevna í høvuðsheitum um vanligar læknaskrivarauppgávur, telefonavgreiðslu, luttøku á konferensum, samskipan av virkseminum í ambulatorium o.a.

Læknaskrivararnir á Medisinska deplinum arbeiða við serøkjunum kardiologi, lungasjúkur, neurologi, nefrologi, reumatologi, endokrinologi, diabetes, gastroenterologi, onkologi, hæmatologi, dermatologi og infektiónsmedisin.

Førleikakrøv:

• Útbúgving sum læknaskrivari
• Fleksibilitet og áhuga í tvørfakligum samstarvi
• Góðan telduførleika
• Góð samstarvsevni og tænastusinnað/ur
• Trívist við fjølbroyttum arbeiðsuppgávum

Vit kunnu bjóða tær:

• Eitt áhugavert arbeiðsøki undir støðugari menning
• Tvørfakligt samstarv við serlæknar, læknar, sjúkrarøktarfrøðingar, heilsurøktarar, fysioterapeutar, ergoterapeutar o.o.
• Møguleika fyri fakligari- og persónligari menning

Løn- og setanartreytir sambært sáttmála millum Starvsmannafelagið og Fíggjarmálaráðið

Nærri upplýsingar um starvið fáast við at venda sær til leiðandi læknaskrivara, Heidi á Høvdanum Andreasen, á tlf. 304500, lokal 6077 ella senda teldupost til [email protected].

Her kanst tú lesa meira um okkara visjón, missión og strategimál.