Gist & Vist

Hjá Gist & Vist arbeiða vit við einum felags máli: at skapa minniligar upplivingar fyri gestir okkara. Vit reka fleiri hotell og matstovur við hvør sínum eyðkenda samleika og dygdum, men hava eisini felags virði, ið savna okkum – blíðskapur, yrkiskunnleiki og sterkt samstarv. Sum størsta samtakið í føroysku gistingar- og matstovuvinnuni leggja vit dent á at veita tænastu í serflokki. Hvørt hotell og hvør matstova í samtakinum hevur sín serliga samleika, mentan og dygdir, ið gera hvørja uppliving heilt serstaka fyri gestir okkara.

At arbeiða hjá Gist & Vist merkir at vera partur av einum skapandi arbeiðsplássi, har hvør dagur bjóðar nýggjar møguleikar og spennandi avbjóðingar. Starvsøkið er breitt – vit hava alt frá kokkum og tænarum til móttøkufólk, reingerðarfólk og skrivstovustarvsfólk. Øll hava ein týdningarmiklan leiklut í at skapa upplivingar, ið okkara gestir minnast.