Vilt tú hava umsjón við Havnini?

Tórshavnar Havn søkir eftir (havna)umsjónarfólki

Ert tú skipsførari og trívist tú í einum fjølbroyttum og skjóttgangandi umhvørvi? So ert tú kanska okkara nýggja havnaumsjónarfólk!

Um starvið:

Tórshavnar Havn er Føroya størsta havn og umsitur stóran part av allari ferðing og flutningi til og frá landinum.

Sum havnaumsjónarfólk verður tú partur av okkara 24/7 vaktarskipan og vísir til stjóran á Tórshavnar Havn. Tú fært týðandi ávirkan á og ábyrgd av, at øll ferðsla innanfyri havnamerkini er væl skipað og trygg - bæði til og frá bryggju. Tú fert tí at hava nógv samskifti við skip, reiðarí og viðskiftafólk, ið dagliga ferðast um Tórshavnar Havn. Sum umsjónarfólk virkar tú harumframt eisini sum loðsur.

Talan er tí um eitt sera fjølbroytt og spennandi starv, sum krevur bæði dirvi til at taka ábyrgd og góð evni til at finna loysnir í einum, til tíðir, hektiskum umhvørvi.

Um teg

Vit vænta tí, at tú ert ein álítandi og fyrikomandi starvsfelagi við:

• Útbúgving sum skipsførari

• Minst 2-ára royndum sum skipsførari

• Einum vilja til at veita viðskiftafólki eina góða tænastu

• Góðum samskiftisevnum í skrift og talu, á føroyskum og enskum.

• Góðum telduførleikum

Setanarviðurskifti

Starvið er fulla tíð og verður sett sambært sáttmála fyri Havnaumsjónarfólk millum Starvsfelagið og Kommunala Arbeiðsgevarafelagið.

Umsókn og freist

Umsókn, viðmæli, prógv og annað viðkomandi tilfar skal sendast til hanusm@torshavn.fo

Meira fæst at vita um starvið við at venda sær til Hanus Mikkelsen, stjóra, á tlf. 28 56 99 ella á hanusm@torshavn.fo