Varaleiðari til dagstovnaøkið í Vestmanna

Vestmanna Kommuna søkir eftir varaleiðara til ítróttadagstovnaøkið. Talan er um eitt fast starv við 30-35 tímum um vikuna.

Vit leita eftir einum ágrýtnum og nærverandi varaleiðara, sum brennur fyri at arbeiða við børnum, dugir væl at samstarva og hevur hug at seta síni fingramerki á menningina av einum serstøkum námsfrøðiligum umhvørvi, har vit leggja stóran dent á námsfrøðiliga ítrótt, rørslugleði, spæl og læru.

Okkara stovnsøki telur fýra deildir, Gjáarlon, Látipípuna, Kongskjallaran og Staðið, har 155 børn í aldrinum 1 til 10 ár hava sína dagligu gongd.

Sum varaleiðari ert tú ein týðandi partur av leiðsluni og hevur ein virknan leiklut í bæði námsfrøðiliga og fyrisitingarliga arbeiðinum. Tú ert fús/ur at taka á teg uppgávur í samstarvi við stovnsleiðaran. Tú hevur góð samstarvs- og samskiftisevni og megnar at virka fyri góðum samstarvi við børn, starvsfelagar, samstarvspartar og leiðara. Tú traðkar eisini í leiðarans stað, tá tørvur er á tí.

Hetta bjóða vit tær:

Eitt spennandi starv í góðum kørmum.
Heimsins bestu starvsfelagar og ein góðan felagsskap.
Ein fjølbroyttan arbeiðsdag við ábyrgd, ávirkan og menningarmøguleikum.
Møguleika at vera við til at menna framtíðar ítróttadagstovnaøkið í Vestmanna.

Vit vænta, at tú:

Ert námsfrøðingur.
Megnar at skapa eitt mennandi, trygt og fjølbroytt virksemi á stovninum saman við okkum.
Ert sjálvstøðug/-ur, álítandi og torir at taka stig og avgerðir, tá avbjóðingar skulu loysast.
Tú hevur dirvi til og ert áhugað/-ur í leiðsluuppgávum.
Trívist í einum virknum gerandisdegi við bæði námsfrøðiligum og fyrisitingarligum uppgávum.

Tað er ein fyrimunur, um tú:

Hevur royndir innan leiðslu.
Hevur áhuga fyri útilívi og náttúru.
Hevur royndir við námsfrøðiligum ítrótti.
Hevur útbúgving ella skeið innan ítróttarnámsfrøði.
Dugir væl at skriva og tosa føroyskt.

Arbeiðsuppgávur:

Vera næst/ur leiðaranum í fyrisitingini og stuðla og vegleiða starvsfólkum í gerandisdegnum.
Tryggja gott samstarv við børn, foreldur og starvsfólk.
Seta námsfrøðilig átøk og verkætlanir í verk
Arbeiða fyri einum góðum arbeiðsumhvørvi og trivnaði.
Umsita tíðarskjøl, intranetið og gera arbeiðsætlanir.
Luttaka í upplæring av nýggjum starvsfólkum.

Setanarviðurskifti:

Starvið verður sett sambært sáttmála millum Føroya Pedagogfelag og Kommunala Arbeiðsgevarafelagið.
Sambært §2 í barnaváttanarlógini hevur Vestmanna kommuna skyldu til at fáa barnaváttan til vega, áðrenn umsøkjari verður settur í starv.
Ynskiligt er at tann, ið fær starvið, byrjar 1. desember 2026 ella skjótast gjørligt.

Umsókn: