Summarstarv í kunningardiskinum
Vit søkja eftir starvsfólki til Kunningardiskin í farstøðini á flogvøllinum. Talan er um summarferiustarv við møguleika fyri halda áfram eftir summarferiuna.
Arbeiðsøkið er í høvuðsheitum innan kunning, sølu og skrivstovuuppgávur.
Talan er um eitt fjølbroytt og sjálvstøðugt starv, sum m.a. fevnir um at veita viðskiftafólki kunning um ymisk viðurskifti í sambandi viðflogferðsluna, parkering, útgjalding av tax-free peningi, busssamband og hýruvognar.
Eisini er handil í Kunningardiskinum, har starvsfólkini taka sær av vørusøluni, og eru við til at halda handilin ruddiligan og innbjóðandi.
Týdningarmiklasta uppgávan hjá starvsfólkum í Kunningardiskinum er at veita góða tænastu og geva viðskiftafólkunum eina góða uppliving.
Vit vænta at:
- tú dugir at samskifta á føroyskum og enskum
- tú dugir við tølum
- tær dámar at veita góða tænastu
- tú dugir at brúka teldu og at leita eftir upplýsingum á alnótini
- tú hevur KT førleikar á brúkarastigi
- tú ert smidlig/-ur í sambandi við arbeiðstíðir
Tú verður partur av góða starvsfólkahópinum hjá Vága Floghavn.
Vit bjóða eitt gott arbeiðsumhvørvi, matarskipan umframt aðrar starvsfólkaágóðar.
Føroyskt
Danskt
Enskt