Roðin

UM OKKUM Runavíkar -, Nes – og Sjóvar kommuna – hava skipað javnbjóðis samstarv um heimatænastu og eldrarøkt v.m., sum við lóg varð flutt kommununum at umsita tann 1. januar 2015. Roðin umsitir økistænastuna í nevndu kommunum. Avtalan sæst her. MÁL: Mál okkara er støðugt at menna tænastuna og at ganga á odda, tá ræður um at veita teim, ið tørva, eina fjøltáttaða og dygdargóða tænastu – hetta í góðum samstarvi við brúkaran og avvarðandi hansara. Eina tænastu, sum tekur atlit til tørv, trivnað, fortreytir og sjálvsavgerðarrætt hins einstaka og sum eisini ger tað gjørligt, at verða heima longst gjørligt. Tænastan, ið vit veita, skal støðugt stuðla uppundir, at tað at búgva í Runavíkar- Nes- og Sjóvar kommunu er framúr gott og trygt – eisini, tá ein gerst gamal og hevur tørv á “hjálpandi hondum”! Tænasturnar eru skipaðar eftir lóg um heimatænastu, eldrarøkt v.m., sum sæst her. Roðin veitir borgarum við tørvi eina samskipaða heildartænastu. Endamálið við tænastunum er, at: Fyribyrgja sjúku, stimbra sálarliga og likamliga heilsu og trivna borgarans, endurmenna mistan førleika, stimbra møguleika hins einstaka at klára seg sjálvan, veita røkt og umsorgan. Leiðari fyri Roðan Jóngerð Guttesen

Arbeiðsplássið

Røktarstarvsfólk til Eysturoyar røktar- og ellisheimi

Søkt verður eftir:

Til Miðstovu:

Einum heilsurøktara ella heilsuhjálpara í fast starv á starvsbrøki 0,7, svarandi til 28 tímar um vikuna. Arbeiðstíðirnar eru í kvøldvaktum og 2. hvørt vikuskifti. Møguleiki er fyri at atbeiða 3. hvørt vikuskifti.
Einum heilsurøktara fyri heilsurøktara í farloyvi. Starvsbrøkurin er 0,925 svarandi til 37 tímar um vikuna. Arbeiðstíðirnar eru í dag og náttarvaktum og 2. hvørt vikuskifti.

Til Norðurstovu:

Einum heilsurøktara ella heilsuhjálpara í fast starv á starvsbrøki 0,7, svarandi til 28 tímar um vikuna. Arbeiðstíðirnar eru í dag,- og kvøldvaktum og 2. hvørt vikuskifti.

Førleikakrøv

· Prógv og góðkenning sum heilsurøktari

· Prógv sum heilsuhjálpari

· Áhuga at arbeiða við eldri

· Áhuga at arbeiða við heilsustimbran, fyribyrgjan og endurvenjing

· Góð evni at samskifta í skrift og talu

· Hug at arbeiða og samstarva í eini tvørfakligari búðeind í menning

· KT-førleika á brúkarastøði

Vit bjóða tær

• ein fakliga spennandi og mennandi gerandisdag

• ávirkan á menningina av tænastunum í Roðanum

• eitt gott arbeiðspláss, góðar umstøður og fjølbroyttar avbjóðingar

• møguleika at seta tín dám á og framhaldandi at menna tænasturnar hjá Roðanum

Søkja skikkaðir umsøkjarar ikki størvini, kann annar fakbólkur verða settur – um so er, verða uppgávurnar tillagaðar fakbólkin.

Setanarviðurskifti

Føstu størvini eru til setan 1. november 2025 og farloyvisstarvið er til setan frá 1. november 2025 til 31. oktober 2026.

Størvini verða lønt sambært sáttmála við avvarðandi fakfelag og Kommunala arbeiðsgevarafelagið.

Meira fæst at vita

Meira fæst at vita um størvini við at venda sær til Randarsól Kristiansdóttir, deildarleiðara í Miðstovu, Telefon 290208 teldupostur randarsolk@rodin.fo og Kristbjørg Petersen deildarleiðara á Norðurstovu, telefon 290204 teldupostur kristbjorgp@rodin.fo

Umsókn

Umsókn saman við prógvum, góðkenning og upplýsingum um útbúgving og royndir verður at senda tilrodin@rodin.fo. Viðmerkjast skal: ” Miðstova” ella «Norðurstova».

Lýsing er stovnað16. September 2025

Umsóknarfreist28. September 2025

Málslig krøv