Býlingshúsið vesturi á Flat

Býlingshúsið vesturi á Flat liggur á Vegnum Langa í Hoyvík, og í løtuni fer stór um- og útbygging fram her hjá okkum. Vit fáa fýra nýggjar stovur, og harvið veksur stovnurin til at kunna hýsa umleið 100 børnum. Vit leggja stóran dent á trivnað, bæði hjá stórum og smáum. Vit hava ein sunnan og virknan gerandisdag saman. Vit eru nógv úti í náttúruni. Stovnurin liggur sera væl fyri og hevur fantastiska náttúru bæði omaneftir og niðaneftir. Í løtuni starvast seks námsfrøðingar, tríggir motorikkvegleiðarar og seks hjálparfólk á stovninum.

Arbeiðsplássið

Námsfrøðingur

Tórshavnar kommuna sóknast vegna Býlingshúsið Vesturi á Flat eftir námsfrøðingi at arbeiða 35 tímar um vikuna.

Starvið verður sett skjótast gjørligt ella eftir avtalu við leiðaran. Møguleiki er fyri færri / fleiri tímum um vikuna.

Um okkum

Býlingshúsinum á Flat hevur tríggjar vøggustovur, tríggjar barnagarðsstovur og eina serstova. Vit leggja stóran dent á umsorgan, menning og trivna hjá okkum øllum, børnum og vaksnum.

Relatión er okkara lyklaorð og alt byrja við góðum relatiónum.

Stovnurin liggur sera væl fyri í náttúru vøkrum øki sum vit gleðast um hvønn dag, vit arbeiða tætt at náttúruni og eru úti hvønn dag.

Býlingshúsið á Flat spennandi stovnur, vit arbeiða við nýggjari mentan og gerandisdagurin er merktur av stuttleika og menning.

Vit vænta, at tú:

ert blíð/-ur, fyrikomandi og hevur eitt gott yvirlit
hevur góð samstarvsevni og kanst arbeiða sjálvstøðugt
ert við til at menna námsfrøðiliga arbeiðið á stovninum
dugir at grunda yvir egið arbeiði
ert sinnað/-ur at arbeiða í eini broytingartíð
vilt verða ein virkin partur av starvsfólkatoyminum
við tímum dugna og liðiliga arbeiðslagi ert við til at stuðla undir okkara trivnað, menning og samstarv til frama fyri einstaka barnið, foreldrini og starvsfelagarnar

Hetta so at ØLL bæði børn, foreldur og starvsfólk verða sædd, hoyrd og tikin í álvara.

Vit bjóða tær eitt týdningarmikið starv:

har viðurkenning er grundarlagið undir trivnaði, menning og samstarvi við einstaka barnið, foreldur og starvsfelaga
við fjølbroyttum og spennandi avbjóðingum í gerandisdegnum
har menningin hjá einstaka barninum er týðandi partur í gerandisdegnum
har samstarv við foreldrini hevur stóran týdning
har tú hevur møguleika at seta tín dám á arbeiðið