Frítíðarskúlin við Stórá

Endamál hjá Frítíðarskúlanum. Endamálið hjá Frítíðarskúlanum við Stórá er, at barnið eftir lokna skúlatíð, hevur tryggar karmar og er undir uppsýni av vegleiðandi vaksnum. Vit leggja dent á, at menna allar barnsins førleikar, við serligum atliti á teir socialu, persónligu og kreativu. Í Frítíðarskúlanum ganga børn frá forskúlaaldri, til og við annan flokk. Hetta merkir at aldursmunurin er heilt frá 5 ár og til 8-9 ár. Tí er stórur munur á børnum og eisini stórur munur á, hvussu vit arbeiða við teimum ymisku aldursbólkunum. Okkara mál sum starvsfólk er at skapa Rúm og møguleikar fyri menning, spæli og læru á stovninum og úti í náttúruni. At geva børnunum mentunarligar, skapandi upplivingar í einum gerandisdegi við sjónligum karmum og nærverandi starvsfólki. Børnini í Frítíðarskúlanum við Stórá skulu uppliva, at tann vaksni er umsorganarfullur og rúmar barninum og gevur hvørjum einstøkum barni pláss.

Námsfrøðingar ella hjálparfólk til Frítíðarskúlan við Stórá

Søkt verður eftir 5 starvsfólkum, námsfrøðingum ella hjálparfólkið, til Frítíðarskúlan við Stórá, í Runavíkar Kommunu, at byrja 12. August 2024.

Kjarnuuppgávan hjá Frítíðarskúlanum við Stórá, er at bjóða øllum børnunum eitt trygt, mennandi, stuttligt og læruríkt umhvørvi, saman við vegleiðandi vaksnum. Frítíðarskúlin liggur í Rituvík og er stovnur undir Runavíkar kommunu. Á stovninum koma at ganga uml. 140 frítíðarskúlabørn.

Størvini eru 20 til 25 tímar um vikuna, har arbeiðstíðin er skiftandi ímillum kl 09.30 - 17.00, og tá skúlin hevur frí, ímillum kl 7.30-17.00
Størvini vera sett sambært sáttmála millum Føroya Pedagogfelag og Kommunala Arbeiðsgevarafelag Føroya, á lønarstigi 11-22, fyri námsfrøðingar og lønarstig 2-8, fyri hjálparfólk.

Vit ynskja at umsøkjarin:

Er áhugaður at arbeiða við børnum í aldrinum 5 - 9 ár
Er ágrýtin, initiativríkur og vísir hetta í verki
Er fakliga tilvitaður, og hevur hug og evni at menna námsfrøðiliga arbeiðið á stovninum
Dugir at skipa fyri fjøltáttaðum, mennandi og kveikjandi upplivingum.
Dugir at skipa fyri spennandi og avbjóðandi tilboðum, til hendan barnabólk í einum tryggum og góðum umhvørvi.
Hevur góð samstarvs- og samskiftisevni, og megnar at virka fyri góðum samstarvi við foreldur, børn og starvsfelagar

Vit bjóða:

Eitt arbeiðspláss, sum ynskir at menna og arbeiða eftir dygdargóðari frítíðarnámsfrøði
Eitt arbeiðspláss, sum leggur stóran dent á kreativitet og fysiskir aktivitetir
Fyrireikingartíð, og tíð til eftirmeting.
Toymisarbeiði

Umsóknir, saman við avriti av prógvi, ummæli, lívslongdarsøgu (cv) o.ø. skal vera stovninum í hendi í seinasta lagi mánadagin 15. Juli 2024.

Sambært §2 í barnaváttanarlógini hevur Runavíkar Kommuna skyldu til, at fáa barnaváttan til vega, aðrenn umsøkjari verður settur í starv.

Søk starvið her á Alfred, ella við at senda umsøkn beinleiðis til. fritansing@runavik.fo

Nærri fæst at vita um størvini, við at venda sær til Hans Andrias Olsen leiðara, á tlf. 216630

Lýsing er stovnað28. June 2024

Umsóknarfreist15. July 2024

Málslig krøv