Føroya Kærustovnur
Føroya Kærustovnur
Føroya Kærustovnur

Løgfrøðingur til Føroya Kærustovn

Løgfrøðingur til Føroya Kærustovn

Vit sóknast eftir løgfrøðingi til tíðaravmarkað starv í eitt ár fyri løgfrøðing í farloyvi. Setanin er frá 1. september 2024 ella eftir nærri avtalu.

Um okkum

Føroya Kærustovnur er evsti kærumyndugleiki innan fyrisitingina í skattamálum, almannamálum, familjumálum, vinnumálum og fleiri øðrum málum. Føroya Kærustovnur tekur eisini avgerð um skuldarumskipan, tvingsil og barnavernd.

Tú kanst fáa meira at vita um Føroya Kærustovn á www.fks.fo

Arbeiðsuppgávur

Arbeiðið á Kærustovninum fevnir í høvuðsheitunum um at lýsa og viðgera kærur frá borgarum og fyritøkum. Arbeiðsøkið er breitt, so møguleiki verður at royna seg á ymsum økjum.

Um teg

  • Tú hevur løgfrøðiligt embætisprógv, cand. jur.

  • Tær dámar væl at arbeiða sjálvstøðugt og loysir uppgávurnar við góðum huga og nærlægni.

  • Tú tolir, at viðhvørt er stórt trýst á og ert til reiðar at taka eitt eyka tak, tá á stendur.

  • Tú dugir væl føroyskt í skrift eins og í talu.

Vit bjóða

  • Eitt áhugavert, sjálvstøðugt og avbjóðandi starv.
  • Góðar møguleikar fyri fakligari menning, har løgfrøðiliga ábyrgdarøkið er stórt og starvsfelagarnir eru dugnaligir.
  • Spennandi avbjóðingar, har tú ert við til at taka stórar, týdningarmiklar og stundum truplar løgfrøðiligar avgerðir.
  • Eitt arbeiðspláss, ið hevur ein lyklaleiklut í mun til at tryggja rættartrygdina hjá einstaka borgarunum.
  • Eitt arbeiðspláss, har trivnaður verður raðfestur sera høgt.
  • Løn sambært sáttmálanum millum Fíggjarmálaráðið og Búskapar- og løgfrøðingafelag Føroya.

Umsóknir

Umsókn við prógvi og c.v. skal sendast til

Føroya Kærustovn

Postrúm 45

110 Tórshavn

og skal vera okkum í hendi í seinasta lagi tann 12. august 2024. Møguligt er eisini at senda umsóknina til ah@fks.fo

Eru spurningar, ert tú vælkomin at ringja til Anju Hovgaard, stjóra á tlf. 280585.

Um stovnin

Føroya Kærustovnur er óheftur stovnur undir Løgmálaráðnum og tekur avgerð um kærur í almanna-, familju- og heilsumálum, skatta- og avgjaldsmálum, lestrarstuðulsmálum, lendismálum, vinnumálum, barsilskipanarmálum, psykiatrimálum, arbeiðsloysisskipanarmálum og náttúruverndarmálum. Kærustovnurin tekur eisini avgerð í málum um barnavernd, tvingsil og skuldarumskipan. Á stovninum starvast í løtuni fjúrtan fólk, stjórin, tíggju løgfrøðingar og trý skrivstovufólk.

Krøv til útbúgving og førleikar

Løgfrøðisligt embætisprógv, cand. jur. 

Lýsing er stovnað4. July 2024
Umsóknarfreist12. August 2024
Málslig krøv
FøroysktFøroysktFramúrskarandi
Stað
Tórshavn, Føroyar
Starvsslag
Starvsgreinar
Starvsmerki