Løgfrøðilesandi

Útlendingastovan søkir eftir einum løgfrøðilesandi at byrja 1. mai ella sambært nærri avtalu.

Um starvið

Í lestrarstarvi á Útlendingastovuni kemur tú í høvuðsheitum at veita løgfrøðiliga ráðgeving og svara fyrispurningum innan málsøkið hjá Útlendingastovuni.

Høvuðsuppgáva

Lætta málsviðgerð av m.a. umsóknum um arbeiðs- og uppihaldsloyvi og familjusameining.

Harumframt verða tínar uppgávur eitt nú:

• Vegleiðing, tá ið viðskiftafólk ringja inn ella møta upp í móttøkuni
• At røkja vanligt skrivstovuarbeiði og loysa ad hoc uppgávur

Vit kunnu bjóða eitt spennandi og mennandi lestrarstarv, við fakligari menning í fokus.

Førleikar

Vit vænta at tú:

• Ert løgfrøðilesandi
• Ert fakliga væl fyri og hevur áhuga fyri lóggávu innan útlendingaøki
• Ert skipað/ur og kann arbeiða sjálvstøðugt
• Ert fyrikomandi, fleksibul og hevur góð samstarvsevni
• Dugir væl at samskifta á skrift og talu á føroyskum, donskum og
• at tú ert stinn/ur í at samskifta á enskum bæði í skrift og talu

Vit bjóða tær

Sum starvsfólk á Útlendingastovuni verður tú partur av dugnaliga starvsfólkahópinum á Útlendingastovuni, ið telur 12 fólk í løtuni. Vit hava longu ein løgfrøðilesandi, sum tú kemur at samstarva við. Harafturat verður tú partur av starvsfólkahópinum hjá Vinnustovninum, ið telur umleið 45 fólk. Vit eru eitt óformelt, dynamiskt og sosialt arbeiðspláss, har vit gera nógv saman. Vit koma hvørjum øðrum við og leggja stóran dent á at lyfta í felag. Til tíðir er arbeiðstrýstið størri, og tá taka vit øll eitt eyka tak, men afturfyri ber til at arbeiða minni aðrar tíðir.

Setanartreytir

Tú verður sett/ur sum tímaløntur, har vit vænta at tú kanst arbeiða í miðal umleið 15 tímar um vikuna, við møguleika fyri at arbeiða meira til tíðir. Tann lesandi kann, í sambandi við próvtøkur o.a. avtala nærri um broytta arbeiðstíð. Løn er eftir sáttmála við Starvsfelagið ella Búskapar- og Løgfrøðingafelag Føroya. Starvsstaðurin er á Útlendingastovuni, Skálatrøð 20, Tórshavn. Tann, ið settur verður, eigur at tola broytingar í starvinum.

Hevur hetta tín áhuga?

Send okkum eina umsókn við prógvum, CV og møguligum viðmælum til: solvad@utlendingastovan.fo

Vilt tú hava meira at vita um starvið, kanst tú venda tær til Sólvá Dam, deildarleiðara, á tel. 356048 ella solvad@utlendingastovan.fo

Um Útlendingastovuna

Útlendingastovan viðgerð umsóknir frá útlendingum um arbeiðs- og uppihaldsloyvi og familjusameining og vegleiðir um viðurskifti hjá útlendingum í Føroyum.

Nærri kunning um Útlendingastovuna sæst á www.utlendingastovan.fo