Høvuðsungdómsvenjari, sum vil gera mun, bæði fyri felagið og fyri okkara ungu leikarar ⚽

Hevur tú brennandi áhuga fyri ungdómsfótbólti og vilt vera við til at mynda framtíðina hjá okkara felagi? So ert tú møguliga júst tann, ið vit leita eftir!

ÍF-fótbóltur í Fuglafirði søkir eftir einum eldhugaðum og ábyrgdarfullum høvuðsungdómsvenjara. Sum høvuðsungdómsvenjari í ÍF verður tú ein týðandi partur í einum felag, sum vil vaksa og mennast. ÍF er eitt felag, ið leggur stóran dent á leikaramenning, sosialisering og tann góða felagsskapin. Okkara ynski er at skapa tær bestu fyritreytirnar fyri, at okkara leikarar fáa eina góða framtíðar fótbóltsleið.

Vit kunnu bjóða:

• eitt spenanndi starv við møguleika fyri persónligari og fakligari menning
• eitt starv, har tú fært ein týðandi leiklut
• eitt starv við ágrýtnum venjaratoymi og teimum bestu umstøðunum
• eitt starv í tøttum samskifti við ungdómsnevnd og starvsnevnd

Arbeiðsuppgávurnar fevna m.a. um

• at skipa fyri venjingum í ungdómsdeildini í samráð við avvarðandi venjarar hjá tí einstaka liðnum
• at eygleiða venjingar og eftir tørvi at veita fakliga ráðgeving/afturboðan til venjarar
• at skapa fortreytir fyri, at breiddarfótbólturin og úrvalsfótbólturin mennist optimalt
• at vera ein fakligur sparringspartnari í felagnum
• at skipa fyri innanhýsis fakligum arbeiðis- og temadøgum fyri venjarum
• at taka lut í tiltøkum, ið nevndin ynskir
• at taka lut í foreldrafundum o.ø. fundum eftir tørvi

Vit leita eftir einum høvuðsungdómsvenjarar, sum

• hevur í minsta lagi B-venjara prógv
• hevur fakligan førleika til at leiðbeina og stuðla okkara ungdómsvenjarum
• hevur áhuga í at menna ungar leikarar á tí støði, ið hvør leikari er á einsæris
• hevur hug og hegni at arbeiða við breiddarfótbólti og úrvalsfótbólti
• Hevur góð samskiftisevni og er skipað/ur í arbeiðinum

Harumframt vænta vit, at viðkomandi:

• er sinnaður at arbeiða eftir tí leisti, ið menningarætlan felagsins ásetir
• hevur evni til at hjúkla um felagsskapin, skapa trivna og fótbóltsgleði
• er fyrikomandi og verður ein jalig fyrimynd fyri felagið úteftir

Lønar- og setanarviðurskifti:

Løn sambært avtalu.

Meira fæst at vita um starvið við at venda sær til Mary-Ann ella Njal á if@if.fo .

Starvsbyrjan 01. jan. 2026

Umsókn:

Umsókn saman við viðkomandi skjølum skal sendast til samskipari@if.fo.

Barnaváttan verður kravd við setan.