Hevur tú hug at gera dreymar til veruleika? Hevur tú hug at arbeiða við framskygdari byggilist og planlegging?

Henning Larsen Føroyar sóknast eftir arkitekti ella byggifrøðingi við royndum innan prosjekterings- og verkætlanarleiðslu og sniðgeving at byrja skjótast gjørligt.

Í øllum okkara virki stremba vit eftir at skapa verkætlanir og loysnir, sum veita íblástur og leiða til nýskapan.

Sum starvsfólk á okkara føroysku teknistovuni fært tú 12-14 dugnaligar og fyrikomandi starvsfelagar, og samstundis gerst tú partur av eini altjóða fyritøku við umleið 750 dugnaligum starvsfólkum, sum arbeiða við størri og minni verkætlanum um allan heim. Tú verður partur av einum felagsskapi við eini sterkari kreativari søgu og mentan, ið strembar eftir at skapa verkætlanir á hægsta stigi.

Tínar høvuðsuppgávur:

· Prosjekteringsleiðsla

· Verkætlanarleiðsla

· IKT-leiðsla

· Sniðgeving

· Framleiðsla og samskipan av verkætlanartilfari

· At tryggja høga góðsku av tilfari í øllum fasum

· At tryggja byggbæri og fíggjarligt skynsemi í verkætlanunum

Tín útbúgving og royndir:

· Viðkomandi útbúgving sum arkitektur ella byggifrøðingur

· Í minsta lagi 5-10 ára viðkomandi royndir

· Royndir í øllum verkætlanarstigum

· Royndir við verkætlanarmenning í Ms Projekt, Revit, Dalux o.l.

· Góðar samstarvsførleikar og royndir við at vera partur av tvørfakligum toymum

· Sterkur sniðgevi við denti á bæði heildini og smálutunum

· Stinnar samskiftisførleikar og royndir í at bera fram hugskot og sjónarmið til verkætlanartoymi og viðskiftafólk

· Tað er ein fyrimunur at klára seg á donskum og enskum.

Starvið verður lønt eftir avtalu.

Upplýsingar um starvið fáast við at venda sær til Ósbjørn Jacobsen á +298 225033.

Umsókn við viðkomandi skjølum kann sendast til oj@henninglarsen.com
Seinasta freist at søkja starvið er 1. desember 2024.