Vága kommuna
Vit hyggja frameftir og taka ímóti teimum avbjóðingum, sum standa fyri framman. Vit skapa eisini góðar karmar fyri vinnulívi, mentan og frítíðarvirksemi. Dentur verður lagdur á burðardygga menning í øllum verkætlanum, har atlit verða tikin til umhvørvið og náttúruna.
Gartnari til spennandi burðardygga verkætlan
Tú kanst gerast partur av eini spennandi burðardyggari verkætlan!
Vága kommuna leitar eftir einum eldhugaðum og dugnaligum gartnara til eitt verkætlanarstarv, at menna staðbundna framleiðslu av grønmeti og frukt í Føroyum. Starvið er knýtt at einari størri granskingarverkætlan saman við Fróðskaparsetri Føroya, sum skal styrkja sjálvbjargni, burðardygd og trivnað í kommununi – í tøttum samstarvi við dagstovnar og vísindafólk.
Høvuðsuppgávur og ábyrgdarøki
- Standa fyri framleiðslu av grønmeti og frukt í vakstrarhúsinum í Sandavági og á økinum uttanfyri
- Samskipa luttøku hjá dagstovnum í Vága kommunu og veita vegleiðing til børn, starvsfólk og onnur
- Skipa fyri verkstovum og luttaka á tiltøkum saman við dagstovnum og samstarvspørtum
- Menna burðardyggar arbeiðshættir og stuðla undir trivnað, inklusjón og vitanarmenning í verkætlanini
- Luttaka í verkætlanartoyminum og samstarva við vísindastarvsfólk frá Fróðskaparsetrinum
- Luttaka í miðlan av verkætlanarúrslitum, m.a. framleiða bóklingar og frágreiðingar um verkætlanargongdina og grøna roknskapi
Krøv til útbúgving og førleikar
- Útbúgving sum gartnari ella líknandi, ynskiligt um tú hevur royndir innan grønmetisframleiðslu
- Áhugi fyri burðardygd, náttúru og samspæli millum fólk og umhvørvi
- Góð evni at samskifta og samstarva við ymiskar aldursbólkar
- Evni at arbeiða sjálvstøðugt, taka ábyrgd og tryggja framdrift í einum fjølbroyttum umhvørvi
- Hegni at leggja til rættis, samskipa og gjøgnumføra tiltøk og verkætlanir
Ágóðar við starvinum
- Eitt áhugavert starv í eini nýhugsandi og framskygdari kommunu
- Høvi at gerast ein týðandi partur av einari burðardyggari menningarætlan í Føroyum
- Tætt samstarv við serfrøðingar innan námsfrøði, náttúruvísindi og samfelagsmenning
- Góð starvsviðurskifti og møguleikar fyri persónligari og fakligari menning
Lýsing er stovnað27. November 2024
Umsóknarfreist10. December 2024
Málslig krøv
FøroysktKravt
Stað
1 Hammershaimbsvegur, Sandavágur 360, Føroyar
Starvsslag
Starvsgreinar
Starvsmerki