Umhvørvisstovan

Umhvørvisstovan fevnir um virkisøkini umhvørvisvernd, umhvørvisgransking, orkumál og elveitingareftirlit, viðarlundir og frílendi, land- og sjókort, matrikul, tinglýsing og landsfólkayvirlit. Umhvørvisstovan virkar fyri burðardyggari samfelagsmenning við at verja vistskipanir, røkja náttúrutilfeingið og gera rættarbundnar staðfestingar.

Arbeiðsplássið

Dátufólk til náttúru- og umhvørvisvernd

Sum liður í at byggja upp eina vælvirkandi náttúrufyrisiting er neyðugt at uppbyggja og viðlíkahalda eina dátuskipan til skráseting av dátum, sum finnast, og nýggjar dátur, sum verða innsavnaðar. Talan er um sonevnda metadátubasu, sum vísir hvørjar dátur eru tøkar og viðkomandi upplýsingar um hesar dátur. Umhvørvisstovan søkir tí eftir dátufólki. Talan er um eitt nýtt, sjálvstøðugt og avbjóðandi starv innan náttúru- og umhvørvisøkið.

Útbúgving og almenn krøv

Tú hevur viðkomandi hægri útbúgving.

Tú hevur royndir í at menna og arbeiða við dátugrunnum, og at viðgera og greina dátur.

Kunnleiki og royndir við GIS skipanum eru fyrimunir

Høvuðsuppgávur og ábyrgdarøki

at menna og skipa ein metadátugrunn saman við øðrum starvsfólkum innan náttúru- og umhvørvisøkið og innan kunningartøkni

at luttaka í fyrireiking og uppbygging av einari dátugoymslu til náttúru- og umhvørvisdátur

Løn og setanartreytir eru sambært sáttmála millum Fíggjarmálaráðið og Akademikarafelag Føroya ella annað viðkomandi yrkisfelag.

Arbeiðsstaður er Umhvørvisstovan, Argir. Viðkomandi, ið verður settur, má tola møguligar broytingar í starvinum.

Umsókn, saman við prógvum, lívsrensli o.ø., skal vera Umhvørvisstovuni í hendi í seinasta lagi mikudagin 14. juni 2023. Umsóknir skulu sendast við telduposti til [email protected].

Nærri upplýsingar um starvið fáast við at venda sær til Sigurð í Jákupsstovu, stjóra, teldupost: [email protected], tlf. 234388 ella Siggu Jacobsen, deildarleiðara á Vernd, teldupostur [email protected], tlf. 234346.

Lýsing er stovnað17. mai 2023

Umsóknarfreist15. juni 2023

Málslig krøv

Eingi málslig førleikakrøv

Stað

Traðagøta 38, Argir

Starvsslag

Førleikar

Arbeiði sjálvstøðugtArbeiði undir trýstiErligheitFramsøkinNeyvleikiNærlagni

Arbeiðsumhvørvi

Starvsgreinar

Starvsmerki