Fróðskaparsetur Føroya er ein altjóða granskingar- og útbúgvingardepil, har vitan, nýskapan og burðardygg menning eru í miðdeplinum. Sum starvsfólk á Setrinum fært tú møguleika at granska óheft og menna vitan, ið er við til at mynda framtíðina.

Við umleið 180 starvsfólkum og 1.000 lesandi, bjóða vit eitt fjølbroytt, menningarríkt umhvørvi, har samstarv, trivnaður og javnbjóðis møguleikar eru í hásæti.

51-200

Heimasíða

Facebook

Instagram

LinkedIn

Fróðskaparsetur Føroya


Ph.d.-lesandi til verkætlan um uttanríkis- og trygdarpolitikk í Føroyum og Norðuratlantshavi




Søgu- og samfelagsdeildin á Fróðskaparsetri Føroya søkir eftir ph.d.-lesandi til verkætlan um uttanríkis- og trygdarpolitikk í Føroyum og Norðuratlantshavi. Ætlanin er, at viðkomandi byrjar tann 1. januar 2025 ella eftir nærri avtalu. Verkætlanin er stuðlað við fígging úr FASDiNA-granskingarskránni undir Granskingarráðnum.




Um verkætlanina

Ph.d.-verkætlanin er partur av størri granskingarøki við heitinum FASDiNA (Foreign Affairs, Security, and Defence Policy in the North Atlantic), sum Granskingarráðið umsitur. Verkætlanin hevur til endamáls at skapa økta vitan um uttanríkis-, trygdar- og verjupolitikk í Norðuratlantshavi. Verkætlanin skal sostatt veita virðismikla vitan um eksternu fortreytirnar fyri føroyskum trygdar- og uttanríkispolitikki og varpa ljós á, hvørjar møguleikar og avbjóðingar Føroyar hava í hesum høpi.




Í ljósinum av øktum geopolitiskum spenningum millum stórveldini hevur áhugin fyri Føroyum, Grønlandi og Norðuratlantshavi verið vaksandi. Ein ábending um hetta er økta virksemið hjá amerikanska herinum í Norðuratlantshavi. Bæði Føroyar og Grønland eru partur av NATO, og bæði londini hava samtykt nýggjar trygdarpolitiskar strategiir í 2024. Samstundis hava bæði londini ymisk sløg av handilsligum sambondum við Russland og Kina. Í hesum høpi skal verkætlanin kanna, hvussu smátjóðir sum Føroyar og Grønland navigera í einum nýggjum geopolitiskum veruleika.




Um starvið 

Starvið fer at geva einum dugnaligum ph.d.-kandidati høvi til spennandi fakliga menning og útbúgving í tøttum samstarvi við føroyskar og altjóða granskarar. 




Tað hevur týdning, at umsøkjarin hevur áræði og hug til eina akademiska yrkisleið sum granskari og undirvísari, og at umsøkjarin eisini hevur serligan áhuga fyri altjóða politikki, uttanríkispolitikki og trygdarpolitikki. Viðkomandi skal hava góð analytisk evni og góð evni at fáa til vega nýggja og týdningarmikla vitan. Umsøkjarar skulu eisini hava holla vitan um føroysk samfelagsviðurskifti, megna at arbeiða sjálvstøðugt og megna at undirvísa á universitetsstigi. Harafturat hevur starvið við sær, at umsøkjarar vistast uttanlands ávís tíðarskeið í sambandi við ph.d.-skeið og dátuinnsavnan.




Nærri upplýsingar um ph.d.-verkætlanina kunnu fáast við at venda sær til Heina í Skorini, lektara á Søgu- og samfelagsdeildini.




Førleikakrøv 

Umsøkjarin verður mettur eftir fakligum førleikum og motiveraðu umsóknini. Umframt hetta verða umsøkjarar eisini mettir eftir øðrum førleikum og royndum til sjálvstøðugt at fullføra eina ph.d.-útbúgving. Umsøkjarin skal:





 - Í minsta lagi hava masterprógv ella kandidatprógv frá hægri lærustovni í stjórnmálafrøði,
 
 samfelagsvísindi ella aðrari viðkomandi vísindagrein 

 - Hava serligan áhuga fyri gransking í uttanríkis- og trygdarpolitikki

 - Duga at arbeiða systematiskt og sjálvstøðugt

 - Hava góðar analytiskar og akademiskar førleikar

 - Vera før/-ur fyri at samskifta sannførandi bæði skrivliga og munnliga

 - Vera før/-ur fyri at skriva á føroyskum og enskum





Umsókn

Umsóknin skal innihalda:

· 




 Upplýsingar um tína fakligu og yrkisligu bakgrund, royndir og motivatión fyri at søkja júst hetta starvið (umleið 1 síða) 

·







 CV og avrit av próvskjølum, váttanum og viðmælum

·







 Samanumtøku av høvuðsritgerð/masterritgerð

·







 Yvirlit yvir møguliga útgivnar greinar (í mesta lagi fimm)

·







 Eina sjálvstøðuga lýsing av, hvussu tú ímyndar tær, at verkætlanin kann loysast (umleið 2 síður). Talan er um eina partvíst nágreinaða verkætlan sambært brotinum omanfyri um endamálið við verkætlanini. Men møguleiki verður eisini at seta egnan dám á verkætlanina. Tí skulu umsøkjarar leggja fram egnar hugsanir um, hvussu ein slík verkætlan kann fremjast. Lýsingin skal innihalda uppskot um:

o

 Møguligar granskingarspurningar (t.e., at umsøkjarar orða 1-3 spurningar, sum koma at mynda verkætlanina) 

o

 val av viðkomandi ástøði (t.e., at umsøkjarar seta orð á ástøðilig amboð og núverandi gransking, sum kann vera viðkomandi at brúka)

o

 val av viðkomandi háttalagi/háttaløgum til at svara settu spurningunum (t.e., at umsøkjarar seta orð á, hvussu nýtt tilfar ella nýggjar dátur kunnu savnast saman og síðani viðgerast)





Setanartreytir 
Talan er um 3 ára ph.d.-útbúgving við innskriving á Fróðskaparsetri Føroya sambært Kunngerð nr. 63 frá 24. mai 2016 um philosophiae doctor-útbúgving á Fróðskaparsetri Føroya. Umframt sjálvstøðugt vísindaligt arbeiði hevur ph.d.-lesturin við sær, at umsøkjarin ognar sær royndir við miðling og undirvísing, og at viðkomandi tekur ph.d.-skeið eftir nærri ásettum leisti.




Starvið verður sett í samsvari við Reglugerð fyri størv á Fróðskaparsetri Føroya, sum sæst her. Løn og starvstreytir eru sambært sáttmála millum Fíggjarmálaráðið og Akademikarafelag Føroya (stig 1). Starvið
er
tíðaravmarkað
í
trý
ár.




Tað er ein treyt, at viðkomandi, sum verður settur í starv, kann trygdargóðkennast sambært galdandi reglum.




Nærri
upplýsingar


Nærri upplýsingar um starvið
og verkætlanina fáast við at
venda
sær
til
Heina í Skorini, ph.d. og lektara á Søgu- og samfelagsdeildini: 

Teldupostur: heinis@setur.fo 

Telefon: +298 292610.


Umsóknarfreist

Umsóknarfreistin
er
mánadagin 4. november 2024 kl.
12.00.




Tú søkir starvið við at fylla hetta oyðublaðið út og hefta viðkomandi skjølini við.










Um Fróðskaparsetrið 

Fróðskaparsetur Føroya er vísindaligur granskingar- og útbúgvingardepil. Fróðskaparsetrið bjóðar undirvísing og gransking á altjóða stigi og virkar fyri burðardyggari samfelagsmenning og nýskapan. Fróðskaparsetrið er sjónligt og tryggjar, at vísindalig grund er undir mentanarligum, samfelagsligum og vinnuligum virksemi í landinum. Á Fróðskaparsetrinum eru 25 útbúgvingar, umleið 1.000 lesandi og yvir 180 starvsfólk.

Fróðskaparsetur Føroya er sjálvstøðugur, almennur stovnur, sum virkar óheftur av politisku skipanini eins og ásett er í lóg um stovnin. Fróðskaparsetrið tekur undir við Magna Charta Universitatum, verjir granskingarfrælsið hjá tí einstaka vísindafólkinum og eggjar til samstarv, kritiskt orðaskifti og til forvitna og óhefta leitan eftir nýggjari vitan og kunnleika.

Fróðskaparsetrið er í høvuðsheitum alment fíggjað við játtan á løgtingsfíggjarlógini. Harumframt eru fleiri verkætlanir fíggjaðar við uttansetursstuðli frá m.a. Granskingarráðnum og vinnulívinum. Í øllum okkara virki er tað okkara skylda at veita javnbjóðis møguleikar, virka fyri inklusjón og at stimbra trivnaðin hjá lesandi og starvsfólki í góðum menningarumhvørvi.

Active

Ph.d.-lesandi til verkætlan um uttanríkis- og trygdarpolitik

Seinastu størvini

Summarstørv

Alkohol- og rúsevnaráðgevi

Almenn umsiting

Anestesisjúkrarøktarfrøðingur

Apoteksassistentur

Audiologistur

Barnavernd

Borgaratænasta

Demenssamskipari

Ergoterapeutur

Fangavørður

Farmakonom

Farmaseutur

Fólkaheilsufrøðingur

Fótarøktari

Fysioterapeutur

Føðsluatstøðingur

Føðslufrøðingur

Heilsuhjálpari

Heilsurøktari

Heimahjálp

Heimasjúkrarøktari

Klinikkassistentur

Kliniskur vegleiðari

Kostráðgevi

Laborantur

Læknaskrivari

Lækni

Ljósmóðir

Løgreglufólk

Optikari

Patologur

Portørur

Prestur

Radiografur

Sálarfrøðingur

Serlækni

Sjúkrarøktarfrøðingur

Skurðlækni

Sløkkiliðsfólk

Sosialráðgevi

Stuðul

Tannlækni

Tannrøktari

Tulkur

Umsorganarstarv

Vøddamýkjari

Yvirlækni

Barrvørður

Ferðaleiðari

Ferðaráðgevi

Ferðavinnufrøðingur

Ferðavinnustarv

Hotellstjóri

Høvuðskokkur

Kokkur

Køksstarv

Matstovuleiðari

Matstovustarv

Móttøka

Móttøkuleiðari

Pizzabakari

Sommelier

Tænari

Uppvaskari

Frisør

Handilsstarv

Hundafríðkari

Húsameklari

Innkeypari

Kassafólk

Kosmetologur

Lívbjargari

Postboð

Savnsvørður

Shippinglærlingur

Sølunæmingur

Tollgreiðsla

Útberari

Útkoyring

Vaktarfólk

Vøruflutningur

Vørumóttøka

Alari

Arbeiðsfólk

Bakari

Betongarbeiði

Bilførari

Bilmálari

Bilmekanikari

Bilplátusmiður

Blikksmiður

Blómubindari

Brunaumsjónarfólk

Bussførari

Dekkskiftifólk

Eftirlit

Elektrikari

Elektromekanikari

Elektronikktøkningur

EL-innleggari

Fiskaalifrøðingur

Fiskaaling

Fiskatøknifrøðingur

Fiskavirking

Flakafólk

Flutningstænastur

Framleiðsluídnaður

Gartnari

Goymslustýring

Goymslustørv

Handverkari

Húsasmiður

Húsavørður

Hýruvognsførari

Jarnsmiður

Jørðarbeiðari

Konditari

Kranaførari

Køksfólk

Landari

Lastbilførari

Lossari

Málari

Maskinførari

Maskinistur

Maskinmeistari

Matvørufrøðingur

Matvørutøkningur

Meiaristur

Mekanikari

Metallsveisari

Múrari

Møbilsnikkari

Prentari

Reingerðarfólk

Rørsmiður

Seymitøkningur

Slaktari

Smiður

Snikkari

Stálsmiður

Teknikari

Timburmaður

Trukkførari

Tøkningur

Urtagarðsarbeiði

Vaskiarbeiði

1st level support

2nd level support

AI ráðgevi

Appsniðgevi

Dátugreinari

Dátugrunnafrøðingur

Dátuinnsavning

Forritari

Forritstestari

Front-end mennari

Front-end sniðgevi

Internetserfrøðingur

Kervisfrøðingur

KT-kundatænasta

KT-serfrøðingur

KT-supportari

Netumsitari

Ritbúnaðarverkfrøðingur

Skipanarfyrisitari

Teldufrøðingur

Webmennari

Websniðgevi

Advokatskrivaralærlingur

Bankalærlingur

Bilsmiðlærlingur

Blikksmiðulærlingur

Elektrikaralærlingur

Grafikaralærlingur

Handilslærlingur

Handverkaralærlingur

Hárfríðkanarlærlingur

Kokkanæmingur

Lærlingur

Maskinsmiðulærlingur

Rørsmiðulærlingur

Skrivstovunæmingur

Slaktaralærlingur

Smiðulærlingur

Snikkaralærlingur

Starvslesandi

Tænaralærlingur

Timburlærlingur