Stuðulsfólk til 20 ára gamlan drong

Talan er um ein 20 ára gamlan mann við rørslutarni, er næmingur á Náttúrubreyt á Kambsdali. Arbeiðsuppgávan er at koyra hann í skúla og heim aftur eftir skúlatíð og at vera um hann í skúlanum at hjálpa og stuðla í praktiskum og persónligum viðurskiftum, so næmingurin kann hava møguleika at vera í skúla saman við flokkinum og vera partur av flokkinum. Tað snýr m.a. seg um viðurskifti í samband við samskifti, gera klárt til undirvísingartímarnar og flutning. Tú ert um næmingin gjøgnum dagin í tann mun, tað er neyðugt, men ert tøkur alla skúladagin eftir tørvi.

Harumframt kann uppgávan fevna um at vera stuðul nakrar tímar í frítíðini. Møguleiki er eisini at taka vikuskiftisvaktir fyri Almannaverkið. Hetta verður skipað eftir nærri avtalu.

Neyðugt er ikki við einari ávísari útbúgving, men tað er týdningarmikið, at “relatiónin” millum teg og næmingin er góð. Vit vænta, at tú evnar og tímir eitt arbeiði, har tú ert sera tætt at einum øðrum menniskja.

Vit vænta, at tú hevur eitt lætt lyndi, og at lagið er gott. Um tú hevur staðið miðnámsútbúgving fyri ikki so langari tíð síðan, og ert kendur við umhvørvið, kann tað møguliga vera ein fyrimunur fyri at fáa starvið. Væntað verður, at tú ert kropsliga og sálarliga væl fyri.

Til dagligt kemur stuðulin at arbeiða tætt saman við næminginum. Stuðulsfólkini koma eisini sínámillum at hava møguleika at samskifta og sparra um stuðulsuppgávuna, og eisini verður møguleiki at samskifta við leiðara í eindini, tá tørvur er á tí.

Fyri at fáa starvið er neyðugt at hava koyrikort til persónbil.