Business kontrollari
Faroe Ship er ein av stóru flutningsfyritøkunum í landinum við virksemi í Føroyum og altjóða. Sum business kontrollari fert tú at arbeiða tætt saman við fíggjarstjóranum, og tú fert at framleiða tilfar til deildarleiðarar og leiðsluna.
Eisini fert tú at arbeiða tætt saman við starvsfeløgum í Eimskip um allan heim.
Uppgávurnar vera millum aðrar at:
- gera fíggjargreiningar av virkisøkjunum hjá Faroe Ship
- byggja og viðlíkahalda PowerBI rapportir
- rapportera ESG hagtøl
- framleiða marknaðarhagtøl
Tú hevur hóskandi útbúgving á bachelor ella kandidat stigi og viðkomandi starvsroyndir. Royndir við PowerBi er ein fyrimunur. Eisini vænta vit, at tú kennir Office-pakkan væl, og at tað fellur tær lætt at seta teg inn í KT skipanir.
Tú ert ikki bangin fyri at taka ábyrgd og leggur teg eftir at halda tíðarfreistir. Eisini vænta vit, at tú ert forvirkin, hevur analystisk evni og dugir at arbeiða sjálvstøðugt.
Samskifti er ein týðandi partur av arbeiðnum, og tískil er umráðandi at duga væl at samskifta á føroyskum og enskum bæði munnliga og skriftliga.
Føroyskt
Enskt